എന്താണ് പ്രശ്നം ?
ഞങ്ങള് ചില സുഹൃത്തുക്കള് ഇന്നലെ കേരളാ, സി.ബി.എസ്.ഇ പാഠ്യപദ്ധതികളെ താരതമ്യം ചെയ്തുകൊണ്ടുള്ള ഒരു ചര്ച്ചയില് ഏര്പ്പെടുകയുണ്ടായി. കെ.എസ്.ടി.എ, ശാസ്ത്രസാഹിത്യ പരിഷത്ത് എന്നീ സംഘടനകള് പ്രസിദ്ധപ്പെടുത്തിയ പഠനറിപ്പോര്ട്ടുകളെ ആടിസ്ഥാനമാക്കിയായിരുന്നു ആ ചര്ച. ഉള്ളടക്കത്തെ സംബന്ധിച്ചു് പ്രസ്തുത റിപ്പോര്ട്ടുകള് മുന്നോട്ടുവച്ചിട്ടുള്ള കണ്ടെത്തലുകളെ ഭൂരിപക്ഷവും അംഗീകരിച്ചു. എന്നാല് ഇംഗ്ളീഷ് മീഡിയത്തില് പഠിച്ചാലേ ഇംഗ്ലീഷില് കഴിവുണ്ടാകൂ എന്നും, ആ കഴിവ് ഇന്നത്തെ ലോകസാഹചര്യത്തില് പ്രധാനമാണെന്നും ഉള്ള ഒരു കാഴ്ചപ്പാട് പല രക്ഷിതാക്കളും പുലര്ത്തുന്നതായി ചര്ച്ചയില് പങ്കെടുത്ത പലരും പറയുന്നു. എന്താണ് താങ്കളുടെ പ്രതികരണം? ഈ പ്രശ്നം അത്രകണ്ട് പ്രസക്തമാണോ? എങ്കില് ഈ പ്രശ്നത്തെ എങ്ങനെ പ്രതിരോധിക്കാനാവും? മറ്റ് പ്രശ്നങ്ങള് ഉണ്ടോ?